Reglanan di Campeonato 2005: A&B Klas
Reglanan di Campeonato 2005: MINI, Cadet, Junioren

Weganan programa:
Campeonato ta cuminsa: September 16, 2005
Ultimo dia di inscripcion y pago di incripcion: September 7, 2005

Hungador Inscribi:
Cada team por inscribi 15 hungador pero ariba dia di wega ta 12 hungador por ta ariba e lista di hungador (inscripcion mester ta minimum 5.) Durante di e campeonato, solamente hungador inscribi 48 ora prome cu wega mag di hunga, si no ta asina e ta wordo considera illegal. Solamente e hungador cu a hunga por lo menos 2 wega durante e serie regular, mag di hunga den e play-off/final. Tur hungador mester ta residencia y registra (na bevolking) na Aruba. Den caso di estudiante of otro persona cu nacionalidad Hulandes naci na Aruba biba temporalmente den exterior, aunque no ta registra na Aruba, por hunga den e campeonato.

Tempo di wega y minuut entre quarter:
Durante e serie regular, cada quarter lo ta di 10 minuut. Entre cada quarter, break di 2 minuut, halftime ta 5 minuut. Si e wega ta wordo televisa e halftime lo ta 10 minuut. Wega gana ta conta pa 2 punto, wega perdi 1 punto, wega perdi pa forfeit 0 punto. E team cu caba e campeonato regular na posicion 1, 2, 3 y 4 lo clasifica pa bai semi-final. Team 1 lo hunga vs team 4, team 2 vs team 3 (best of 3) y e dos ganadornan lo bai final (tambe best of 3).

Multa:
Team cu no ta na tempo kla pa hunga lo perde pa forfeit y lo tin cu paga Afls. 100.00 di multa. E suma aki lo mester wordo paga prome cu por hunga e proximo wega. Team cu perde dos wega pa forfeit durante di campeonato ta cai afor automaticamente.

Uniform:
Tur team mester ta uniforma segun reglamento di FIBA. Number 4 te 15.

Responsabilidad di e Home team:
- Zorg pa e bala di wega.
- Pa tur wega e home team tin e choice di e basket y e team bench.
- E home team cu hunga e prome wega mester prepara e cancha pa e wega por bai door (pone mesa pa table official na su lugar y tur material necesario riba e mesa, pone e 24 seconds device).
- E home team di e ultimo wega mester ruim op e mesa, material di mesa y e 24 seconds device y entrega esaki serca un representante di e bond presente ariba cancha.

Waiting time:
Solamente pa e prome wega di dia lo tin un waiting time di 15 minuut.

Regla special pa hungador Cadet y Junior:
Den cada team di A y B klas ta permiti solamente 2 hungador cu a participa den e campeonato di cadet of junioren e anja aki. Esaki solamente si nan ta pertenece na e mesun organisacion y tin e status di lo por hunga atrobe otro anja den division cadet of junioren. E excepcion di esaki ta e team campeon y subcampeon di division junioren (cu mag participa como team completo sin refuerso den B klas.) Hungador tin mag di hunga solamente den un division.

Contribucion Financiero:
Pa por participa den e campeonato e organisacion mester tin tur debe cu A.B.B. completamente bij. Esaki ta inclui inschrijfgeld, contributie of boet. Team cu participa den e campeonato di A Klas anja pasa lo paga Fls. 150.00 pa team pa inschrijfgeld. Tur otro team mester paga Fls. 300.00 na inschrijfgeld.

Release:
Hungador cu kier cambia di team y hunga pa un diferente organisacion mester pidi nan club nan retiro cu copia pa Aruba Basketball Bond. E peticion pa retiro lo wordo honra automaticamente dentro di dos siman si durante di e dos simannan aki e club no notifica bond di e motibo pa no duna e hungador su retiro. Esaki por sosode solamente pa motibonan real y rasonabel manera falta di entrega di uniform of contributie no paga.

Regla di Comportacion
Pa garantisa cu e weganan ta bai cu disciplina e sigiente reglanan lo conta pa e campeonato:
1. Hungador cu wordo saca for di wega pa motibo di bringamento automaticamente lo hanja e proximo 3 wega di castigo. Si esaki sosede un biaha mas durante di e campeonato e hungador lo no ta permiti pa hunga pa 1 anja. Ademas di e schorsing automatico lo tambe tin rapport di referee cu lo bai pa evaluacion di castigo adicional.
2. Hungador cu mal comportacion cu e oficialnan ta wordo suspendi automaticamente pa 3 wega. Si esaki ripiti un biaha mas durante di e campeonato, automaticamente e hungador lo wordo castiga pa 1 anja. Aki tambe lo tin rapport.
3. Coach cu wordo saca for di wega pa motibo di mal comportacion lo automaticamente hanja un wega di suspension y lo no tin mag di coach e proximo wega. Si esaki susede un biaha mas durante di campeonato lo hanja schorsing pa resto di campeonato.
4. Cualkier hungador cu tuma postura di kier bringa cu cualkier persona lo hanja 1 proximo wega di castigo. Postura igual un biaha mas lo resultada den 4 wega di schorsing.
5. Rapport lo wordo traha durante di wega cu lo bai den un file permanente.
6. Organisacion cu nan hungador of coach cu wordo gestraf pa resto di campeon segun regla 1, 2 of 3 lo hanja un boet di Fls. 100.00.

Participacion den e division A & B klas
Pa anja 2006 kier expande e regla cu organisacion por participa den division di A & B klas como lo sigiente: Pa un organisacion por inscribi un team pa participa den un division di A of B klas nan mester tin un team activo den division mini y cadet. No ta permiti pa inscribi team di un organisacion bow di nomber di otro organisacion.

Regla no menciona:
Den ausencia di regla no cubri specificamente den e regla di campeonato aki, regla di FIBA (y despues Statuten y huishoudelijk reglement) lo aplica.

Weganan programa:
Campeonato ta cuminsa: April 16, 2005 Ultimo dia di inscripcion: April 7, 2005

Entrante campeonato 2005, den weganan den division Cadet lo tin mag di hunga man-to-man defense solamente.

E regla nobo aki ta como lo sigiente:
“Den division CADET tin mag di hunga SOLAMENTE MAN-TO-MAN esey kiermen cu no tin mag di hunga zone defense. Prome infraccion haci door di cada team lo ricibi un waarschuwing. E di dos infraccion en adelante lo penalisa e team cometiendo e infraccion dunando e otro team 2 free-shot mas possession (na center court.)”

Hungadornan Inscribi:
Cada team por inscribi 15 hungador pero ariba dia di wega ta 12 hungador por ta ariba e lista di hungador (inscripcion mester ta minimum 5). Durante e campeonato, solamente hungadornan inscribi 48 ora prome cu wega mag di hunga, si no ta asina e ta wordo considera illegal. Solamente e hungadornan cu a hunga por lo menos 2 wega durante e serie regular, mag di hunga den e play-off/final. Tur hungador mester ta residencia y registra na Aruba pa minimo 2 luna, den caso di estudiantenan of otro persona cu nacionalidad Hulandes naci na Aruba biba temporariamente den exterior, aunque no ta registra na Aruba, por hunga den e campeonato.

Edad:
Division Mini (mixed): Mag di haci 13 anja den 2005 (naci 1992 of despues)
Division Cadet masculino: Mag di haci 15 anja den 2005 (naci 1990 of despues)
Division Junior masculino: Mag di haci 18 anja den 2005 (naci 1987 of despues)
Division Junior (femenino): Mag di haci 18 anja den 2005 (naci 1987 of despues)

Responsabilidad di team:
Cada team/organisacion ta responsabel pa controla e edad di nan hungadornan. Hungador(nan) cu ariba indicacion wordo investiga y ta resulta cu su edad no ta cuadra cu esun estableci, e team ta wordo castiga cu perdida di tur e partidonan caminda e hungador(nan) a participa, ademas e organisacion lo mester paga un boet di Afls. 100.00.

Tempo pa Wega y minuutnan entre quarter:
Durante e serie regular, cada quarter lo ta di 10 minuut. Entre cada quarter, break di 2 minuut, halftime ta 5 minuut. Si e wega ta wordo televisa e halftime lo ta 10 minuut.

Wega gana ta conta pa 2 punto, wega perdi 1 punto, wega perdi pa forfeit 0 punto. E teamnan cu caba e campeonato regular na posicionnan 1, 2, 3 y 4 lo clasifica pa bai semi-final. Team 1 lo hunga vs team 4, team 2 vs team 3 (best of 3) y e dos ganadornan lo bai final (best of 5).

Multa:
Team cu no ta na tempo kla pa hunga lo perde pa forfeit y lo tin cu paga Afls. 100.00 di multa. E suma aki lo mester wordo paga prome cu por hunga e proximo wega. Team cu perde dos wega pa forfeit durante di campeonato ta cai afor automaticamente.

Uniform:
Tur team mester ta uniforma segun reglamento di FIBA. Number 4 te 15.

Responsabilidad di e Home team:
- Zorg pa e balanan di wega.
- Pa tur wega e home team tin e choice di e basket y e team bench.
- E home team cu hunga e prome wega mester prepara e cancha pa e wega por bai door (pone mesa pa table official na su lugar y tur material necesario riba e mesa, pone e 24 seconds device).
- E home team di e ultimo wega mester ruim op e mesa, material di mesa y e 24 seconds device y entrega esaki serca un representante di e bond presente ariba cancha.

Waiting time:
Solamente pa e prome wega di cada dia lo tin un waiting time di 15 minuut.

Reglanan special division Cadet:
Conforme decision tuma den algemene leden vergadering, cuminsando e campeonato aki, lo implementa e regla cu e division CADET tin mag di hunga SOLAMENTE MAN-TO-MAN. Prome infraccion haci door di cada team lo ricibi waarschuwing, di dos infraccion en adelante lo penalisa e team cometiendo e infraccion dunando e otro team 2 free-shot mas possession (na center court.)

Reglanan special pa Cadet y Junior:
Cada team tin mag di hunga cu un maximo di 4 hungador cadet of Junior den un categoria mas halto cu esun cu pa edad e ta pertenece. Si pa e proximo campeonato e cadetnan y juniornan cu a participa den un categoria mas halto, ainda pa motibo di edad por hunga cadet of junior, tambe tin mag di hasie pero pa e mesun organisacion. Team campeon y team sub-campeon di division Junioren mag di subi cu team completo y partisipa den division B-klas.

Contribucion Financiero:
Pa por participa den e campeonato 2005 cada organisacion mester paga prome cu ultimo dia di inscripcion nan contributie pa anja 2005 cu ta Afls. 200.00. Teamnan cu participa mester paga Fls. 300.00 pa team pa inschrijfgeld. Teamnan cu na anja 2004 a participa den e campeonato 2004 lo paga e anja aki solamente Afis. 150.00 pa nan team participa. E excepcion aki lo ta solamente pa e campeonato di anja 2005. Teamnan di Mini y Mucha muher Cadet cu lo hunga algun wega durante di campeonato no mester di paga basta nan ta pertenece na organisacionnan cu a paga nan contributie annual.

Release:
Hungadornan cu kier cambia di team y hunga pa un diferente organisacion mester pidi nan club nan retiro cu copia pa Aruba Basketball Bond. E peticion pa retiro lo wordo honra automaticamente dentro di dos siman si durante di e dos simannan aki e club no notifica bond di e motibo pa no duna e hungador su retiro. Esaki por sosode solamente pa motibonan real y rasonabel manera falta di entrega di uniform of contributie no paga.

Reglanan special Pa coachnan:
Pa 2006 ta e intencion cu tur coach cu coach den e campeonato 2006 hanja un tipo di certificacion. Mas informacion ariba esaki lo wordo duna despues.

Durante e campeonato 20 minuut prome cu e tempo di wega, cada coach mester entrega cerca e scorer e lista di nan hungadornan y su starter 5.

Suspencion automatico:
Hungadornan cu ta wordo saca for di wega pa motibo di bringamento of mal comportacion cu e oficialnan, ta wordo suspendi immediatamente pa 2 wega pendiente di strafcommissie. Excepcion: si pa prome biaha e hungador a wordo saca for di e wega pa motibo cu e hungador a mantene un houding di bringamento contra hungador, e castigo lo ta: waarschuwing plus 4 wega voorwaardelijk y un proeftijd di 1 anja.

Reglanan no menciona:
Den ausencia di reglanan no cubri specificamente ariba, lo aplica reglanan di FIBA (y despues Statuten y huishoudelijk reglement.)