Officials

Officials:
March 24, 2005: Durante di luna di February y Maart a tene un curso pa referee
Maart 13, 2005: Sessionnan Di Basketball Pa Coach Bayendo Hopi Bon
Maart 7, 2005: Curso di officials di Basketball ta sigi Diahuebs e siman aki na Club Caribe
February 10, 2005: Aruba Basketball Bond ta organisa curso pa referee/official y session special pa coach

March 24, 2005
Durante di luna di February y Maart a tene un curso pa referee

Ariba dia 22 di Maart a clausura e session di coach. Un total di 27 persona a participa di cual 23 a completa e cantidad minimo requiri pa hanja e certificado di participacion. Esnan cu a hanja certificado ta:

Roland Croes
Alexandra Croes
Orlando Rasmijn
Akeam Brouwers
Hansel Pineda
Darell Romero
Jonathan Wever
David Tjon-Tam-Sin
Jurgen Romero
Percy Phelipa
Tom Pietersz (facilitator)

Charmin Brunings
Rymard Boekhout
Johnny Chen
Richard Brooks
Eusebio Kelly
Andre Kolman
Sandra Croes
Luis Tromp
Andy Gomes (facilitator)
Alric Kock
Benny Richardson
Rudy Croes

Maart 13, 2005
Sessionnan Di Basketball Pa Coach Bayendo Hopi Bon

E sessionnan cu Aruba Basketball Bond a organisa pa e coachnan tin ja caba 4 siman ta bai y te awor ta tin un hopi bon reaccion. Husando e programa nacional di Basketball di Canada como base, Aruba Basketball Bond a organisa reunionnan pa repasa e informacion cual tin den e buki y bou gia di diferente facilitador e diferente topiconan a wordo cubri. E facilitadornan pa e sessionnan tabata: Tom Pietersz, Andy Gomes, Chuck McAuley y Eddy Oduber y a cubri un variedad grandi di topico incluyendo defense y offensive.

E formato di sessionnan ta sumamente interesante ya cu nan ta trese hunto coachnan cu hopi anja di experiencia y esnan nobo den un ambiente habri y plasentero cual ta permiti discussion y preguntanan. Ta falta 2 session mas. E schedule a wordo cambia y e proximo session ta Diaranson awor 16 di Maart pa 6:30 na YMCA DAKOTA y lo cubri “Care And Prevention Of Injuries” y “Planning.” E siman aki tambe e coachnan lo hanja oportunidad pa demonstra loke nan a sinja ja cu nan lo ta coach e teamnan durante di e Nesquik Mini Basketball Jamboree. E ultimo session lo tuma lugar otro siman Diaranson dia 23 na YMCA SAN NICOLAS pa 6:30 y lo cubri “Defense.” Durante di e ultimo session lo papia tambe ariba planes pa cuminsa un federecion di coach y tambe lo ortoga e certificadonan di partipacion. Aruba Basketball Bond un biaha mas kier a gradesi tur instancia y personanan cu a hasi e sessionnan aki posibel.

Maart 7, 2005
Curso di officials di Basketball ta sigi Diahuebs e siman aki na Club Caribe

E interes pa participa na e curso di officials di Aruba Basketball Bond tawata enorme y mas cu 20 persona a inscribi y ta participando. E curso, cual a wordo duna pa Dr. Eduardo Jimenez (FIBA referee) y Andy Young (coordinador di officials di A.B.B.) su parti teoretico a wordo duna caba y ta falta awor e parti di mesa y algun “live” sessions mas. Diahuebs awor dia 10 di Maart pa 6:30 na veld di basketball na Caribe e session lo sigi caminda e cursistanan lo hanja e oportunidad pa referee wega cu lo wordo organisa special pa esaki. Prome cu fin di luna lo tin e parti di mesa cu lo wordo duna door di Carmen Loefstop. Tambe, e refereenan lo hanja chance pa demonstra abilidadnan nobo cu nan a caba di adkeri durante di e Nesquik MINI Basketball Jamboree cu lo tuma lugar dia 18 di Maart na Aruba Jrs. Durante di e evento cu lo cuminsa for di 8 or di mainta, e refereenan nobo lo hanja chance pa dirigi un wega real. Ta recorda tur cursista pa ta na ora Diahuebs awor pa continuacion di e curso.

February 10, 2005
Aruba Basketball Bond ta organisa curso pa referee/official y session special pa coach

SESSION PA COACH.
Den cuadro di introduccion di un programa national di Basketball na Aruba, otro siman Aruba Basketball Bond ta cuminsa cu sessionnan pa coach y cursonan pa referee y officials. Tur coach (nobo of cu experiencia) ta invita pa ta presente na e 6 sessionnan cu lo tuma lugar na YMCA Dakota y YMCA San Nicolas ariba e 6 Diaransonnan cuminsando dia 16 di February 2005. Orario lo ta di 6:30 pa 8:30 y ta pidi esnan cu no a jena e formulario ainda pa ta presente pa 6 or. Pa participa na e sessionnan mester tin 16 anja pariba y lo mester paga Fls. 10.00 cual lo inclui tur material, coi bebe y certificado.

SESSION REFEREE/OFFICIAL.
Otro siman tambe lo cuminsa clinics pa referees y officials cu lo duna oportunidad na esnan cu kier cuminsa como referee of official of cu ja ta activo caba e oportunidad pa por haci esaki. E curso lo consisti di 3 session di clinics y 4 session di practica na weganan. Pa participa ne e curso mester tin 16 anja y mester paga Fls. 10.00 cu lo inclui un boeki, coi bebe y un certificado. E curso lo tuma lugar na YMCA Dakota y na YMCA San Nicolas ariba dianan 15, 17 y 22 di February di 6:30 pa 8:30.

ARUBA'S FIRST 5-ON-5 JAMBOREE.
E curso di referee y e sessionnan pa coach lo culmina den un FESTIVAL DI BASKETBALL cu lo tuma lugar ariba April 2 y 3 na Playa y San Nicolas caminda en grandi lo tin un competencia di 5-contra-5 estilo di Jamboree manera na Merca. Detayes di e Jamboree aki lo wordo haci conoci despues.