Juli 3, 2006 Finalnan di Basketball division Cadet y Junior ta cuminsa e siman aki! E finalnan di basketball division cadet y junior ta cuminsa diamars 4 di juli 2006 ariba cancha di Aruba Jrs. E weganan ta cuminsa 6:45 y 8ór di anochi. E prome wega lo ta di division cadet: CPB, Aruba Bank Hikers vs. YMCA, Ling & Sons. E di dos wega lo ta di division junior: RCA, Brenchie's Kliphunters vs. YMCA, Luelco. E finalnan lo ta best out of 5, pues esun cu gana e promer tres weganan lo ta campeon. E ultimo dia di wega lo saca e mvp di cada division. Pa mas informashon See SCHEDULE. Entrada lo ta solamente AFL. 3,-. Aruba Basketball Bond ta hasi un invitation na tur fanatico di basketball pa mira e finalnan di basketball!!!

Jan 1, 2006 Finalnan di Basketball ta cuminsa e siman aki! E siman aki Diahuebs e finalnan di basketball ta cuminsa den divisionnan A&B klas. Teamnan cu a clasifica pa e finalnan den division A-Klas ta YMCA Ling & Sons, CPB BD4L, Aruba Jrs. Tropicana Warriors y YMCA Memco. Den B-Klas a clasifica YMCA Ling & Sons y Estrella Video One. E weganan ta programa pa cuminsa Diahuebs awor na CDBC pa 7or y e prome partido lo ta den division B-Klas y e di dos den A-Klas. AKI por mira e standingsnan di Regular Season di A&B Klas.

Dec 13, 2005 Dakota Basketball Invitational 3-on-3 Girls Jamboree Rumornan persistente cu na January lo tin competencia di 3 contra 3 pa GIRLS ta confirma!!!! Si, despues cu e damanan a keha asina largo cu no tin nada pa nan den basketball, January 7 y 8, 2006 na cancha di Dakota Basketball lo tin un tremendo competencia 3-on-3 GIRLS invitational basketball Jamboree pa hungadornan femenino di 13 anja pariba. E weganan lo wordo hunga den 2 division: Te cu 18 anja y Open Klas. Weganan lo tuma lugar ariba Diasabra y Diadumingo cuminsando for di 4 or di atardi na cancha di Dakota Basketball. E weganan lo wordo hunga estilo jamboree, esey kiermen cu tur hungador ta inscribi y nan nomber lo wordo hinca den computer. E computer lo genera teamnan cu lo competi den e diferente divisionnan. E formato aki cu alaves ta crea gran colegialidad deportivo, ta duna tur hungador un oportunidad balansa pa ta den un team cu por competi. E evento di Dakota Basketball aki ta bou encargo di Richinella Richardson y durante di e proximo dianan mas informacion lo wordo duna entre otro costo pa inscripcion y otro detayes. Dakota Basketball Fax: 583-7994 - E-mail:  basketball@hooparuba.com

Dec 13, 2005 Aruba Lo Ta Cede Di Clinica Di Referee Di FIBA Na Februari Ta cu grato plaser cu Aruba Basketball Bond a wordo informa cu na cuminsamento di February 2006 Aruba lo ta cede di un clinica di referee di FIBA. E clinica lo tuma 3 dia y ta pa clasifica referee nobo pero tambe pa re-capacitacion di refereenan cu ja tin nan batch di FIBA y ta inclui un test fisico cu ta bastante pisa. FIBA a invita e paisnan den region pa participa na e evento y lo permiti 8 referee di Aruba pa bai op pa referee di FIBA. Aruba tin 3 referee cu a jega di hanja e titulo di ta FIBA referee cu ta Sam Ramada, Johnny Garcia y Eduardo Jimenez pero te caminda cu por a bai atras, esaki lo ta e prome biaha cu Aruba lo ta cede di un evento asina. Responsabilidad pa organisa e evento na Aruba ta den man di Andy Young y ta e intencion pa identifica e refereenan cu lo ta interesa pa cuminsa e proceso di preparacion. Refereenan cu representa Aruba Basketball Bond lo firma un acuerdo di cooperacion cu bond cu lo permiti bond pa haci uso di nan durante di e diferente eventonan. E test fisico ta hopi duro y lo mester cuminsa un programa di condicion pronto pa tur esnan cu lo participa por pase.

Oct 27, 2005 Campeonato A&B Klas ta cuminsa Teamnan cu lo ta participando den B Klas - RCA Kliphunters - Estrella Kooyman - YMCA Ling & Sons Teamnan cu lo ta participando den A Klas - Aruba Jrs. - RCA Kliphunters - YMCA Impact - YMCA Ling & Sons - YMCA Raptors - CPB BD4L

June 18, 2005 Teamnan cu a clasifica pa Final CADET - RCA Gatorade Kliphunter (1) - YMCA Ling & Sons (2) - CPB Aruba Bank Hikers(3) - Aruba Jrs. Team A (4) JUNIOREN - Luelco Sunrise (1) - CPB Valero Stars(2) - RCA Brenchie's Kliphunters (3) - YMCA Ling & Sons (4)

June 15, 2005 Finalnan ta cuminsa Diasabra awor: Temporada regular campeonato basketball division cadet y junioren jegando final E siman aki Diasabra dia 18 di Juni pa 7or ariba cancha di sporthall na Sta. Cruz lo cuminsa e finalnan di basketball den division cadet y junioren pa determina e campion y subcampion di cada division. Particularmente den division cadet e weganan ta hopi preta y ainda e ultimo wega di campeonato cu lo tuma luga Diavierna anochi na Aruba Jrs. lo determina si ta YMCA Ling & Sons of RCA Gatorade Kliphunters ta clasifica na prome y di dos lugar den e standing di e weganan regular. E weganan lo wordo hunga entre e team cu clasifica position 1 contra position 4 y 2 contra 3 den tur dos division. Lo hunga un best of 3 (esun cu gana 2 wega) pa wak cua team ta bai final. Pa final lo hunga un best of 5 (esun cu gana 3 wega) pa campeon. Entrada lo ta solamente Fls. 3,00 pa adulto y Fls. 1,00 pa mucha te cu 14 anja. E weganan ta mustra di lo bira hopi interesante ja cu varios team cu a cuminsa un poco swak na cuminsamento di campeonato a progresa fuerte durante di e temporada regular y ta "contender" pa bira campeon. Diavierna atardi 6:30pm lo tin un CAPTAIN's MEETING na Aruba Jrs. caminda coach, assistant coach y capitan di tur team cu clasifica pa bai final ta invita pa ta presente pa hanja informacion importante ariba e finalsnan. Ta recorda esnan invita cu e captain's meeting lo cuminsa precies 6:30pm y pa por favor ta na tempo ja cu e reunion informativo aki lo mester caba prome cu 7or pa motibo cu lo tin wega cu lo cuminsa pa 7or. Ta recorda un y tur cu e weganan lo por move dilanti si teamnan gana nan wega y ta pidi tur hende pa monitor e schedule di serca pa sa si tin cambio. E schedule lo wordo modifica diariamente ariba e website www.hooparuba.com cu e ultimo cambionan. Pa esnan cu ta interesa den ricibi un message cu resultado di wega of mas informacion di wega ariba nan telefon, favor manda un message na e-mail: basketball@hooparuba.com of fax un nota via number 583-7994 informando cu lo bo ta interesa den ricibi esaki.

April 30, 2005 Sellection travels to Colombia for training in preparation for the Kingdom Games

April 5, 2005 Campeonato di Basketball ta cuminsa Aruba Basketball Bond ta anuncia cu ariba 16 di April lo cuminsa e campeonato di basketball den e divisionnan cadet y junioren. Ultimo dia pa inscribi e teamnan lo ta dia 7 di April (esaki a wordo movi di dia 5 pa motibo di e dianan di fiesta) y ta pidi clubnan cu ainda no a inscribi pa entrega nan lista di hungadornan pa e fecha aki. Pa por participa na e campeonato, e inschrijfgeld di e team y contributie di e club mester ta bij. Esaki mester wordo haci hunto cu inschrijving di e teamnan. Durante di un reunion di clubnan a dicidi cu e inschrijfgeld e anja aki PA TEAM CU A PARTICIPA ANJA PASA (2004) NA E CAMPEONATO SOLAMENTE lo ta Fls. 150.00 lugar di Fls. 300.00. Pa teamnan cu no a participa na e campeonato anja pasa e suma di Fls. 300.00 lo keda mescos. Weganan lo tuma lugar ariba Diahuebs, Diavierna, y Diasabra y si ta necesario lo inclui algun wega Diadumingo. Durante di e periodo di e campeonato, lo tambe hunga algun wega den division mini y femenino manera tawata e caso den e ultimo campeonato. Reglanan di e campeonato ta obtenible via A.B.B. Durante di e ultimo reunion tambe a bai di acuerdo cu segun decision di algemene leden vergadering teni den pasado, den weganan den division Cadet lo tin mag di hunga man-to-man defense so. E regla nobo aki ta como lo sigiente: “Den division CADET tin mag di hunga SOLAMENTE MAN-TO-MAN esey kiermen cu no tin mag di hunga zone defense. Prome infraccion haci door di cada team lo ricibi un waarschuwing. E di dos infraccion en adelante lo penalisa e team cometiendo e infraccion dunando e otro team 2 free-shot mas possession (na center court.)” E edad cu mag di hunga den cada division ta como lo sigiente: - Hungador Mini: Mag di haci 13 anja den 2005 (naci 1992 of despues) - Hungador Cadet: Mag di haci 15 anja den 2005 (naci na 1990 of despues) - Hungador Junior: Mag di haci 18 anja den 2005 (naci na 1987 of despues) - Dames open: Mag di haci 18 den 2005 (naci na 1987 of despues) Ta recorda tur organisacion cu ultimo dia di inscripcion ta April 7, 2005 durante di henter siman aki di 9 or pa 4 or lo tin hende na oficina di ABB pa ricibi inschrijving y pago di contributie. Tambe ta invita tur referee y official cu a fluit durante di e ultimo campeonato of cu a participa na e curso di referee pa un reunion cu lo tuma lugar otro siman Diamars 12 di April na Stadion pa structura e schedule di referee pa henter e campeonato.